ბავშვობის ასრულებული ოცნება - ინტერვიუ სალომე ღვინიაშვილთან
სალომე ღვინიაშვილი ყოფილი მოდელი და ახლა უკვე დიზაინერია . ამასთანავე , მუშაობს ტელევიზიაში ''პრაიმ შოუ''_ს ერთ-ერთი წამყვანია . მან სულ რაღაც ორი წელია ჩამოაყალიბა საკუთარი ბრენდი და საკმაოდ წარმატებულია . ყოველთვის მინდოდა , მქონოდა შეხება , კავშირი . ბლოგის წყალობით დრო ვიხელთე და ჩავწერე ინტერვიუ ულამაზეს , ეშხიან და დახვეწილ ქალბატონთან _ სალომე ღვინიაშვილთან . დაახლოებით ხუთი წელია , რაც ვთვლი , რომ სალომე ჩემი შთაგონების წყაროა . მისგან ვიღებ ინსპირაციას და ძალიან მსიამოვნებს , ასე ვთქვათ , ჩემთვის ერთ-ერთი მნიშვნელოვანი ადამიანია . მიხარია , რომ მეძლევა საშუალება გაგაცნოთ სალომე მოდის სამყაროში .
-რას ნიშნავს თქვენთვის მოდა და სტილი ?
-პირველ რიგში , ჩემი პროფესიაა . მოდა უკვე ყოველდღიურობად მექცა . ჩემთვის ეს სფერო ყველაფერია და ვთვლი , რომ მოდის მსხვერპლი არ ვარ და ეს ფაქტი ძალიან მიხარია , თუმცა არ ვიცი ეს კარგია თუ ცუდი .
-სად მიიღეთ განათლება ?
-თავდაპირველად , განათლება მივიღე თბილისში . დავამთავრე სამხატვრო აკადემია , შემდეგ მომიწია მეუღლის გამო ინგლისში საცხოვრებლად გადასვლა და იქ რაღაც პერიოდი ვსწავლობდი ''Salford''_ის უნივერსიტეტში დიზაინის განხრით და შემდეგ ლონდონში გავიარე '' Central Saint Martins''_ის უნივერსიტეტი , სხვადასხვა განხრით მოდის დიზაინი და მოდის მარკეტინგი ვისწავლე . ხოლო , როცა საქართველოში დავბრუნდი შევქმენი ბრენდი ''SALOME''
-გაიხსენეთ თქვენი პირველი ნაბიჯი და წარმატება ?
-ჩემი პირველი ნაბიჯი წარმატებისკენ იყო თბილისის მოდის კვირეულზე პირველი კოლექციის ჩვენება , რომელიც გაიმართა 2 წლის წინ " Rooms hotel''_ის ეზოში . ვფიქორბ , წარმატებული გამოდგა ეს ნაბიჯი , რადგან ჩემით რამდენიმე მაღაზია დაინტერესდა . სწორედ აქედან დაიწყო ჩემი განვითარება ამ სფეროში .
-დიდ დროს უთმობთ ჩაცმას ?
-ჩაცმისთვის ძალიან ცოტა დროს ვხარჯავ . დილით ვდგები და ხასიათის მიხედვით ვირჩევ სამოსს . ძირითადად სპორტულ , თავისუფალ სტილს ვატარებ , ჩემი რეჟიმიდან გამომდინარე და მომწონს კიდეც . გამოსასვლელად გაპრანჭულს იშვიათად თუ მნახავთ ძირითადად ასე სადმე წასვლის შემთხვევაში ვიცვამ და ჩემი მეორე სამსახურიც ითხოვს კლასიკურ სტილს . ყოველდღე არ ვხარჯავ დროს იმაში თუ რა ჩავიცვა ხვალ .
-პირველი შენი კოლექციის ინსპირაცია ფოტოგრაფების ნამუშევრებიდან იყო აღებული , ახლა რა ან ვინ არის თქვენი შთგონების წყარო ?
-მართლია , პირველ კოლექციაში ფოტოგრაფების ნამუშევრები იყო , ჩემი ინსპირაციის წყარო . თუმცა შეიძლება გქონდეს იდეები , მაგრამ კონკრეტული ინსპირაცია არ იყოს . როდესაც ვიწყებ ახალ კოლექციაზე მუშაობას მჭირდება გარკვეული დრო ვიჯდე და გავაანალიზო ყველაფერი გავაკეთო ''reserch''_ი . ინსპირაციის წყარო ნებისმიერი რამ შეიძლება იყოს ,მაგალითად მუსიკა , ფილმი თუნდაც ყოველდგიურობაში , გახვიდე ქუჩაში და თუნდაც შენობამ , ხემ მოგცეს მუზა .
-შენი საყვარელი დიზაინერი?
-საყვარელი დიზაინერი არ მყავს , მაგრამ ბოლო პერიოდის საყვარელი დიზაინერი შეიძლება ითქვას ''Anthony Vaccarello ''_ა მისი ბოლო კოლექციები განსაკუთრებით მომეწონა . ასე ვერ იტყვი კონკრეტულად , რადგან რაღაც პერიოდი ვგიჟდებოდი '' balman''_ზე , მაგრამ საერთოდ აღარ ვგიჟდები . შეიძლება წლევანდელი ''Balenciaga ''_ს კოლექცია მომეწონოს , მაგრამ ,შემდეგი სეზონის ნაკლებად ახლა დემნას კოლექციებზე ბევრი გიჟდება , ალბათ იმიტომ , რომ ქართველია , ჩვენია და ახლო დამოკიდებულება გვაქვს მის მიმართ . ჩემი აზრით , მოდის სფეროში ქაოსია ამ ეტაპზე . ვფიქრობ , '' ვეტმო'' დროებითია და ეს არის უბრალოდ ხალხის გაგიჟება . ჩემთვის მოდა ასოცირდება სილამაზესთან , კლასიკასთან , ივ სენ ლორანთან , რომელიც სულ მომწონს . ''ვეტმო'' არ მესმის , რადგან ჩემთვის ძალიან უშნოა , მაინც , ალბათ ეს რაღაც პერიოდის ბრალია ხალხიც ასეა , რაც უფრო უშნოა ის მოსწონთ .
- თქვენი საყვარელი სუნამო ?
-საყვარელი სუნამო ''Isabella Garcie gardenia '' , რომელიც ალბათ 10-11 წელია , რაც მაქვს და არასდროს ვცვლი სუნამოს . ასევე , ორი წელია აღმოვაჩინე ''Exny hollow ''.
-თქვენი აზრით , როგორც მოდელი უფრო წარმატებული იყავით თუ როგორც დიზაინერი ?
-ვფიქრობ რომ , საქართველოში წარმატებული მოდელი ვიყავი . საზღვარგარეთ ვერ მოვახერხე , რადგან შვილები მყავდა , გავთხოვდი . ოჯახზე უარი რომ მეთქვა შეიძლება წარმატებული ვყოფილიყავი , რადგან მქონდა შემოთვაზებები . რაღაც პერიოდი პარიზშიც ვმუშაობდი . ახლა დიზაინერი ვარ და ამასთანავე , ტელევიზიაში ვმუშაობ , თუმცა ყველა როგორც მოდელს ისე მიცნობს . როგორც დიზაინერი ჯერ არ ვიცი , ვერ გეტყვით რომელ საფეხურზე ვარ , ალბათ , 10 ან რამდენიმე წელიწადში უფრო ზუსტი პასუხი მექნება .
-რა არის თქვენი მიზანი ცხოვრებაში ?
-ჩემი მიზანი არის , ის რომ ვაკეთო საყვარელი საქმე და რა თქმა უნდა , დღეს ჩემთვის მნიშვნელოვანია , შვილებს მივცე სათანადო განათლება , რათა კარგი არჩევანი გააკეთონ ცხოვრებაში . მინდა , ძალიან ბევრი ვიმოგზაურო .
-რაზე ოცნებობთ ?
-ოცნებით არც ბავშვობაში , არც ახლა ვოცნებობ . უფრო მიზნები მაქვს , რადგან ვთვლი , რომ შეუძლებელი არაფერია . თუმცა , შეიძლება ჩაითვალოს , რომ პარიზის მოდის კვირეულზე მინდა მოვხვდე , მაგრამ ეს მიუწვდომელად არ მიმაჩნია .
-ყველაზე მეტად თავს რომელ სტილში გრძნობთ კომფორტულად ?
-კომფორტულად სპორტულ ლუქსა და ჰუდში ვგრძნობ თავს .
- რატომ გადაწყვიტეთ აგერჩიათ პროფესიად ტანსაცმლის დიზაინი?
-ბავშვობიდან ვიზრდებოდი ხელოვანთა ოჯახში . მამაჩემი მხატვარია , ბაბუაჩემი მოქანდაკე იყო . ორივე სამხატვრო აკადემიაში მუშაობდა და რატომღაც არ წარმომედგინა ჩემი თავი სხვა სფეროში . თავიდან ჩავაბარე მონუმენტურ გრაფიკაზე , მაგრამ მეორე კურსზე გადავედი ტანსაცმლის დიზაინზე , რადგან მივხვდი , რომ ეს უფრო მაინტერესებდა ხშირად მიფიქრია , რომ იქნებ როგორც მსახიობი უკეთესი ვყოფილიყავი , მაგრამ არ ვნანობ ჩემს არჩევანს ძალიან მიყვარს . ადრე ცუდი დრო იყო იმ მხრივ , რომ ვიყავით საკმაოდ პატარები ასეთი მნიშვნელოვანი გადაწყვეტილების მისაღებად . ვფიქრობ , 21-22 წელი კარგი დროა არჩევანის გასაკეთებლად .
- ქართველი ქალებიდან რომელის სტილი მოგწონთ ?
-მე ქალებსა და გოგონებს დავყოფდი , რადგან ჩემს ასაკში თავს ვაძლევ უფლებას ვიარო თავისუფალი სტილით , თუმცა 40 წლის ასაკში უფრო კლკასიკურ სტილს მოვირგებ , რადგან ქალს დახვეწილი სტილი უხდება . გამოვარჩევდი ანუკი არეშიძეს მას სწორედ ისე აცვია , როგორი გარეგნობაც აქვს და ძალიან უხდება . პარასკევობით , როცა გასართობად ვიცლი , ძალიან ბევრ ახალგაზრდას ვხედავ , რომელთაც გემოვნებიანად აცვიათ და მე ეს ძალიან მომწონს . რამდენჯერაც ჩემი უცხოელი მეგობრები ჩამოსულან , ძირითადად ინგლისიდან , გიჟდებიან ჩვენს გოგონებზე . ბუნებრივად , ლამაზად და გემოვნებით ჩაცმულები დადიან , რასაც ინგლისელ გოგოებზე ვერ ვიტყვით იქ კატასტროფულად იცვამენ და ძალიან ბევრ მაკიაჟს ხმარობენ . ალბათ , ამიტომაც ხიბლავთ ქართველები . საერთოდ , მეც ძალიან მიყვარს მარტივად ჩაცმა .
-როგორია თქვენი ქალი , რომლისთვისაც სამოსს ქმნით ?
-ჩემს ქალს კონკრეტულად ვერ დავახასიათებ , რადგან ბევრი მხარე აქვს . მეც ასე ვარ , ქაოტური ადამიანი . ვფიქრობ , ჩემი ქალი მე მგავს . ძირითადად სწორედ ასეთ სამოსს ვქმნი , რომელსაც მეც ჩავიცვამ . მაგრამ არის მომენტები , როდესაც მომწონს სხვაზე რაღაც , მაგრამ მე ვერ ჩავიცმავ . ძირითადად ჩემი კოლექცია მე მგავს .
-სად შოპინგობ ყველაზე ხშირად?
-შოპინგს რაც შეეხება , ონლაინ საიტებით ვსარგებლობ . ახლა ეს ძალიან მარტივია , იცი ზომა და ყველაფერი . საერთოდ არ მიყვარს შოპინგი ძალიან მღლის . ეს ბევრს უკვირს , რადგან ''შოპაჰოლიკი'' ვგონივარ , ამ დროს ვერ ვიტან ამ პროცესს . ხშირად , ვმოგზაურობ მეგობრებთან და ზურასთან ერთად , ბოლოს მაგალითად , ბერლინში ვიყავი . უმეტესად მაინც ონლაინ მიყვარს , ძირითადად ფეხსაცმელს ვიწერ .
-საყვარელი ფერი და კომბინაცია ?
-საყვარელი ფერი შავია , ძალიან მიყვარს , ასევე იასამნისფერი . ფერების კომბინაციას რაც შეეხება , ამ ბოლო დროს ყვითელი და იასამნისფერი მომწონს ახლა ამ მომენტშიც და კოლექციაშიც ხშირად ვიყენებ .
სალომეს ატელიე მდებარეობს ი. აბაშიძის 42 ნომერში .
Comments
Post a Comment