MBFWT SS19
სეზონიდან სეზონამდე მოლოდინი გვაქვს მოდის კვირეულის და ახალი კოლექციების, ტრენდების. 5 დღე გვივსებს ცხოვრებას და გვავსებს სასიამოვნო სიახლეებითა და ემოციებით. ყოველ სეზონზე არის გაუმჯობესებული კვირეული, უფრო ვითარდებით და ვიხვეწებით ბევრი გამოცემა, ბლოგერი, ფოტოგრაფი, კრიტიკოსი და ბაერი ინტერესდება საქართველოთი, ქართული მოდით. ასეთი წარმატებისთვის ქართველ წარმატებულ დიზაინერებსა და რა თქმა უნდა სოფო ჭყონიას უნდა ვუმადლოდეთ. სოფო არის თავისი საქმის პროფესიონალი ზუსტად იცის რა უნდა გააკეთის და როგორ უნდა განავითაროს ქართული მოდა.
გაზაფხული/ზაფხული 2019 წლის კოლექციები ნამდვილად აღსანიშნავია. მოდის ჩვენება მაშინ არის შემდგარი, როდესაც კოლექცია მუსიკა და ლოკაცია ერწყმის ერთმანეთს და ახდენს ფურორს დამსწრე საზოგადოებაზე. ამ სეზონზე მე არ შემიძლია არ ავღნიშნო Situationist_ი, ირაკლი რუსაძემ ჩვენება კლუბ ბასიანზე მოაწყო და ჰოლივუდური რიტმიც დაუმატა ამ ყველაფერს იყო სასწაული გარემო, მუსიკა, კოლექცია და ასევე მოდელები. ნამდვილად, რომ ირაკლი რუსაძეს შეგვიძლია შემდგარი დიზაინერი ვუწოდოთ. 
გიორგი ქებურია არ შეიძლება გამოგვრჩეს მისი დამახასიათებელი სტილი ფერების კოლორიტი და ხასიათი უცვლელია, ის ყოველთვის ახერხებს მოახდინოს შთაბეჭდილება დამსწრე საზოგადოებაზე. მისი კოლექციით ნებისმიერ ასაკში მოიხიბლები.
როდესაც ფერების თამაშზე მიდგება საქმე უნდა აღინიშნოს, რომ დალოოდი შეუდარებელია. სასწაული ფერების კონტრასტი და რიტმი მუსიკის თანხლებით.
ჯაბა დიასამიძე ეს ის დიზაინერია, რომელის ჩვენების დროსაც თავი პარიზში მგონია და ეს ემოცია დიდ ხანს მომყვება. ძალიან დახვეწილი, გემოვნებიანი, მომხიბვლელი ქალი და ასევე მამაკაცი რომელიც ამ სეზონზე გამოჩნდა მის კოლექციაში ფრანგული და ქართული მუსიკა ხშირად ისმის მის ჩვენებებზე. ჯაბა თავიდან ბოლომდე გვანახებს მის სამყაროს თავისი მოდელებით და უცხო სახეებით რომელთა ხასიათიც მის კოლექციას ძალიან უხდება.
ვასკამ ამ სეზონზე ჩემზე დიდი შთაბეჭდილება მოახდინა თავისი ჰაეროვანი კოლექციით, ფერებით, ქსოვილებით. მომწონს როდესაც მამაკაცის ხაზიც ჩნდება ქართულ პოდიუმზე.
დათუნა სულიკაშვილი ჩემთვის ყოველთვის გამორჩეულად საყვარელი დიზაინერია. წელს მისი კოლექციის ჩვენება "space hall"_ში იყო გამორჩეული ინსტალაციისა და სასიამოვნო მუსიკის თანხლებით თუმცა ვფიქრობ მასზე დემნა გვასალიას გავლენა იგრძნობოდა. მისი კოლექცია ნამდვილად ეფექტური იყო ამ სივრცეში.
აკა ფროდიაშვილის ჩვენება ნამდვილად დასამახსოვრებელი და საინტერესო იყო მართლაც, რომ დიდი მნიშვნელობა აქვს თუ როგორ მოგაწვდის დიზაინერი თავის კოლექციას მან ეს შეძლო და ყველა გააოცა ჩვენებით. 
Bessarioni ყოველთვის გამოირჩევა თავისი სთაილინგით,ენერგიით, რიტმით მისი ქალი ყოველთვის განსხვავებულია შარმიანი მარტივი და თავისუფალი, რომელიც ყველაფერს იხდენს და მუდმივად აოცებს საზოგადოებას თავისი ინდივიდუალიზმით . ამ სეზონზე ნამდვილად დადო ის კოლექცია რაც ბესარიონს შეეფერება.
ამირეჯიბი ახალი დიზაინერი ამ სეზონზე. ჩემი საყვარელი პრინტი და ჰაეროვანი კოლექცია ნამდვილად დადებითი ემოცია გამოიწვია ჩვენში. ვულოცავ მას პირველი ჩვენების წარმატებას.
ქართული მოდა ნამდვილად ვითარდება და მისი მუხტი მოდის მოყვარულებს მთელი სეზონის ენერგიას ჰმატებს. ჩვენ წელს ძალიან ბევრი დიზაინერის ჩვენებით მოვიხიბლეთ მათ შორის თამუნა ინგოროყვა, ავთანდილი,მატერიალი და სხვა დიზაინერები იყვნენ. მე მოხარული ვარ , რომ ქართული მოდა ასეთი მოთხოვნადი და წწარმატებული გახდა. ვიმედოვნებ უფრო გავიზრდებით პროფესიული კუთხით და მსოფლიოში ჩვენ სახელს დავამკვიდრებთ.
უნდა აღინიშნოს ქუჩის მოდაც, თბილისში ნამდვილად განსხვავებულად გვესმის და ამითი ცნობილი გამოცემების და ფოტოგრაფების ყურადღებასაც ვიპყრობთ. 5 დაუვიწყარი და შრომატევადი დღის შემდეგ ისევ დიდი მოლოდინით ვივსებით შემდეგი სეზონისთვის.
Comments
Post a Comment